Buyuang Amo: Andaleh jo Jua

 

Samantang jalan ka pulang, di ansua-ansua juo lah ma ota dek Datuak Sati Nan Bona di Langkik jo si Bu-yuang Amo. Di lengong suok jo kida, nampak lah po-kok andaleh di topi jalan. “Lai tau ang namo tanaman iko, Yuang?” tanyo Datuak Sati ma uji si Buyuang.

     “Indak tau de, mak. Tapi den wakotu kenuk-kenuk dulu suko makan buahnyo. Kalau masak buahnya warna hitam kalau masih mudo warna merah, saraso kuaci lai juo,” kecek si Buyuang ka Datuak sati.

     “Itu nyo tanaman andoleh tuh. Eten sasudah Batang Tabik di Kabupaten Lima Puluh Kota tuh Andoleh namo nagorinyo mah. Di Kecamatan Batipuah ado lo Nagori Andaleh. Godang batangnyo di situ. Lah ratu-san tahun umuanyo. Dari situlah asa usua namo nago-rinyo. Eten di Bukik Limau Manih di Padang ten ado lo kampus nan banamo Andalas. Bahkan pohon ando-leh ko lah manjadi maskot Provinsi Sumatera Barat nan ditotapkan sabagai ‘flora identitas Sumatera Barat’ badasarkan Surat Keputusan (SK) Gubernur Sumatera Barat No. 522-414-1990 tanggal 14 Agustus 1990. Bata-nyo den ciek, lai tau ang apo guno pokok andoleh ko?” kecek Datuak Sati ka si Buyuang.

     “Sabalun den jawek iko, kecek dosen den di kam-pus namo bahasa Indonesia pohon iko adolah Andalas dan namo latinnyo ‘morus macroura’. Tanaman iko banyak juo tumbuah di Tibet, Himalaya, dan daerah pagunuangan. Dan bahkan namo lain dari Pulau Sumatera iko adolah Pulau Andoleh mah. Kayu nyo sabona rancak untuk papan rumah godang. Kuek ratusan tahun. Sadangkan daunnyo makanan pokok untuk ulek sutera. Kalau lai baputa kincia-kincia ang, cubolah ang budidayakan ulek sutra ko. Ang impor ka Cino muah!” kecek Datuak Sati manyarankan si Bu-yuang.

     “Tomat den kuliah luh yo, mak!” kecek si Buyuang.

     Indak juah dari tanaman andoleh, nampak pulo lah dek Datuak Sati pokok tanaman jua. “Coliak lah dek, ang. Apo namo tanaman nan babungo kuniang ko?” tanyo Datuak Sati ka si Buyuang.

     “Namonyo lupo-lupo ingek den, mak. Tapi wakotu den kenuk-kenuk dulu kodok di suruah datuak den mamanjek batang iko ma ambiak bungonyo. Bungo jua namonyo. Tibo di rumah beko bagulai. Paik bona raso e. Tapi dek datuak dan amak den katuju bona gulai jua ko. Dek baitu kodok makan gulai jua ko, sampai paik bagai darahnyo. Ndak ado bagai baka ubek rongik lolok de,” kecek si Buyuang.

     “Kalau bungonyo ‘bungo jua’ namonyo mako iko-lah tanaman jua itu. Batangnyo koreh. Rantai sinso bisa putuh dek nyo. Dan jo batang jua ko lah tunggak-tunggak rumah godang di buek. Coliak lah dek ang tunggak-tunggak surau lamo nan lah ba umua ratusan tahun, itu pakai kayu jua mah,” kecek Datuak Sati.

     “Oh, baitu yo, mak,” kecek si Buyuang dan suaro adzan lah tadonga pulo di surau-surau jo masojik. “Bisuak lah awak sambuang baliak yo, mak! Mokasih yo, mak. Poi magorik awak luh,” kecek si Buyuang belok ka kida jalan nan basimpang tigo.

     “Oi, Yuang. Pitih duo kawik cako ma?” dicoliak si Buyuang ka ujuang simpang ndak ado nampak lai.

Feni Efendi, seorang penulis, peneliti, dan pengamat literasi yang berasal dari Payakumbuh